Puisi-puisi Ni Komang Déwi Juliana; Kasangsayan

Sumber Gagambaran; www.pinterest.com

Iri

 

Raos lengut ngémpélin

Wit saking nyureng-manyureng

Nanging sami endih belati

Nuncep

Magetih madidih di ati

Tusing kanti pejah

Endihé enu madidih

Brangti mamikmik

Papineh malingseh

Tusing kasundih sunar

Mata peteng

Bangka iba!!!

 

 

 

Kasangsayan

 

Tan wikan tan kaarsa

Tan kawi tan rungu

Meneng… meneb

Tuara uli palekadan

Tan ririh tan pangapti

Tan éling tan sujati

Tuara rungu ngelidin

Singguk manahang

Tarka pakayun

Tusing bisa apa

Apa koné bisa

Kalin tanpa ajah

Katilarin

 

 

 

Kasmaran

 

Rupa duh ngelangun

Gelutang ati

Ngetor…

Nerawang semu

Kadi kalangit nyujur saptaloka

Kacunduk rana manahang

Matemu ring pangucap

Apeteng téjaning angga

Kairing nyujur svah loka

Alus ngalusang

Tatkala mawali

Wantah semu nerawang

Iseng tan kal puput

Tamba asiki kagisi

Nampek raketang

Tan palas tan kaicalang

 

 

Ni Komang Déwi Juliana
embas ring Dénpasar.