Puisi-puisi Sisia SMPN 1 Ubud, Gianyar; Solah I Bulan

Sumber Gagambaran; www.zabohouse.com

Karma Dumadi

Olih: I Wayan Agus Rusdika Goldiana

 

Kasurat ring sakancan laksana

Kaaksi tatkalaning numadi

Suka duka lara pati

Sané ngemit ragan manusané

Napi sané katandur, punika sané kapanggih

 

Manusa!! Pongah yéning ia ngelah,

Sengsara yéning ia tusing ngelah.

Ampura, tiang iwang

Lempas ring laksanan titiang dados manusa.

Cening, cening pianak bapa pianak mémé,

Melahang cening makta raga.

Jelé kelawan melah karman ceningé numadi.

Mémé, bapa tulungin tiang

Kebus, kebus.

 

Mautama setata éling ring laksana

Sekadi pituduh ajahan agamané

Maurip dados manusa ring mercapada

Tuah mabekel sané madan karma

 

Sané nulungin saking kasengsaran

Tuah karma becik sané katandur

Sampunang makirig margiang madasar dharma

Mangda prasida nyujuh sané mautama.

 

 

Gelah Makesami

Gusti Ayu Cempaka Déwi Maharani

 

Luu di tudaké kambang,

Tusing karunguang.

Pidan iraga nyingakin kedis makeber ngindang,

Angob bunga sané kembang,

Lan suryané masinar galang.

Jani ilang!

Lan jumunang!

Ngiring bersihang malih.

Krama baliné patut nuwekang.

Krana Gumi gelah ajak mekejang.

 

 

Corona Nguugang Guminé

Ni Putu Riantari

 

Mangkin guminé sengsara

Manusané lacur

kéwehné sing ngidang ngorang

maileh-ilehan

 

kuda kadén suba bah

kaambil antuk I Corona

Sumingkin mamiyut

tusing tawang ngoyong

 

telah uleh-ulehané

Muridé makejang jumah

Pidan raket jani kapalasang 1 méter

Pang ilang koné I Corona

 

 

Solah I Bulan
Ni Putu Diah Pramesti

 

Bulan… manyunarin titiang rikala kapetengang

                        Sinarnyané manyunarin ati

                        Sira sané ten kelangen mabalih ia

                        Ayu parasnyané sekadi sekar cempaka

                        Melah parisolah, nénten pamrih

                        Ia Bulan… wénten rikala titiang sebet

                        Wénten rikala duhka nyilimutin ati

                        Bulan…

 

 

Indria ring Kali Yuga 

Ratih Trisnawati

 

Bibihé mangkin sampun caket ngraosang dharma 

Kupingé mangkin sampun bongol miarsayang krimik manah 

Kalih tanganné sampun tan sida makarya melah 

Idepé sampun tan mresidayang mapineh rahayu 

I riki,

Genah sarwa bibih sané makenyem bogbog 

Genah sané wantah ngajiang raga 

Genah sané ngwaregin basang pedidi 

Genah sané nyungsung momo angkara 

Genah sarwa Penyingakan sané tan suka ngaksi anak bagia 

Dija ilang genahé dumun? 

Genah silih asih… 

Genah saling pakenyung… 

Genah masawitra… 

Genah manyama braya… 

Genah sané santi lan jagadhita… 

Ratu Betara, 

Makakalih Batis puniki tan mresidayang ngatehang pesu saking genah driki, durusang, ancit tiang saking driki….

 

 

Rahina Panyepian
Anak Agung Gedé Bagus Dharma Ari Putra

 

Sasih kasanga sampun ngawit

Maciri jagaté mangkin nyanggra rahinan tenget

Apisan awrsa penyepian............

                             

Jagat sepi tan sipi

Keneh girang?

                           Nyepi, lakar melali kema-mai?

 

Jagat sepi buka jampi

Dresta jagat Baliné

Awai sané kajantos

Mapuasa iraga

 

 

Bali

I Madé Widya Darma Nanda

 

Turisé akéh ka Bali

Melali-lali mabalih budaya Baliné

Cihna taksun Baliné

Taksu luwih utama

 

Turisé akéh ka Bali

Melali lali ngalih objék wisata

Gunung, pasih, carik, tukad, danu

Da engsap, ento makejang patut piara

 

 

Mémé

Ni Nyoman Ayu Sri Nanda Déwi

 

Perjuangan mémé ngelekadang titiang

Ngiringin perjalanan meme ngidupin titiang

Suka duka ané karasayang mémé ulian titiang

Mémé tusing nawang sebet setata bagia nyayangin titiang

 

Di gelutan mémé suargan karasayang

Tuah rasa bagia lan suksma

Asiki pengidih titiang ring Ida Sang Hyang Sangkaning Dumadi

Dumogi mémé setata rahayu

Suksma aturang titiang

 

 

Bali

Ni Komang Renita Surasmin

 

Bali, pulo alit sané macahya

Pulo sané akéh pisan budayané

Pulo sané akéh madué sejarah

Tanah sané jimbar lan Asri

Bukit, danu, gunung lan segara

Pura-pura suci agung mawibawa

Punika taksu tanah Baliné

Budaya lan adat

Sampun kasub ring dura negara

Bali druén umat sami

Hindu, Budha, Islam, Kristen dados asiki

Punika mawasta pulo Bali

Élingan iraga sareng sami mangda setata nyaga lan ngajegan budaya Baliné

 

 

Gerit
Ni Putu Asri Widyaningsih

 

Guminé gerit ri kala tiang magaé

Kerasa kéweh pajalané

I raga suba berusaha nyalanang idupé, pocol!

Mogi becik guminé

 

 

Sekolah

Ni Kadék Aiswarya Dévi

 

driki tiriang nuntun ilmu..

ilmu sané becik lakar anggon tiang bekel

bekel Urip titiang ring guminé..

sekolah..

driki titiang polih timpal – timpal

sané sanget tulus nyayangin titiang

sané nimpalin titiang

rikala sedih, utawi bagia..

sekolah..

driki wénten guru – guru

sané tulus ngajahin titiang

ngemaang titiang ilmu

sané sanget bermanfaat

guna masa depan titiang

 

 

Med

Putu Anindita Muliarta

 

Ipuan tiang ngijeng jumah

Ibi sanja tiang ngoyong jumah

Dina jani, nengil masi jumah

 

AAAAHHHH SUBA MED!!!

A tiban makeem tusing masi lekad

Med jumah sing dadi mekaad

Inguh makejang pada inguh

Ulian kesisi ngeranang isolasi

Ulian melali ngeranang postitif

 

Sewai-wai ngoyong jumah

Ten ngidang masekolah

Sewai-wai kepupungan

Masuk onliné ma-WhatsApp-an

Mabekel tugas akerat

Basang layah, sirah saplar

 

 

Kasengsaran

Kadék Ira Maharani Swari Déwi

 

Gradag-grudug tan paunduk

Jejeh hati karasayang

Kantun wisesa negasin

Sami jadmané pada uyang

Antuk wabah sané mangkin

Sané mawasta corona

 

Jagaté sungkan

Katibén wabah sané nénten wusan

Kantos buin pidan kadén lakar magedi

Kéweh, pakéweh karasayang panjaké sami

 

Yang widhi, titiang nunas

Icenin galah, icenin sundih

Mangda sami pada nemu galang

Rasa sungsut puniki sampun ngaénang jagaté sengsara

 

 

Rahina Saraswati 

Ni Madé Dwita Marsyanti

 

Ring dina Saniscara Wuku Watugunung

Rahina sané nyuciang manah

Rahina Saraswati

 

Saraswati

Sasuratan sané linuih

 

Saraswati

utamaning aksara suci

Dina melajah, dina mulatsarira

 

Saraswati

Ngulangunin hati

Iriki ring rahina saraswati

 

 

Tugas
Ni Kadék Kilala Purnamasari

 

Tugas...

Nguda teka sing pegat-pegat?

Cara bales tan rerenan

 

Tugas...

Matumpuk-tumpuk sing rungu unduk

Tondén pragat besik, suba teka buik besik

Coma maan tugas matik, anggarané maan tugas IPA

Puruh I Sirah

 

Tugas...

Rupané maéndahan

Ada marupa vidio ané lantang malembad, ngawinang mémoriné penuh

Ada marupa malajah masak, ngawinang dompété tuh

Ada né nulis angka matematika, ngawinang limané jejeng nagih pegat

 

Ngaé tugas koné apang dueg? SING!

Tugasé kauber galah

 

Tugas..

Tolih anaké kapah-kapah, idupé tusing anggon ngaé tugas dogén

Kéwala I Tugas ngebekin galah

Depang suba, tiang kenjel kéwala tusing nyerah

Ulian pangaptiné buin pidan ento mael

 

 

Buda Cemeng Klawu

Ayu Yundari

 

Ring rahina Buda Wagé Klawu

Enam sasih pisan,

Odalan Hyang Melanting

Ring pasar sajebag Bali.

 

Ida Sang Hyang Sri Sedana tedun ring jagaté

Ida malinggih ring Pura Melanting,

Ida micayang kasungkertan jagaté

Minakadi sarwa mula lan dana ring marcapada.

 

Ring rahina Buda Wagé Klawu

Para sodagar lan pedagang sami ngaturang bakti,

Malarapan ngaturan banten

Nunas paican Ida marupa Amerta Sari.

 

 

Wisata Bali

Anak Agung Istri Ratih Setyawati

 

Pasih Lebih si pasisi kangin

Pasih Kuta ngulangunin

Pasih Padang Galak keberin angin

Serangan sané mapinget

Mangrové sané kainget

Pasisiné sané sampun mabeton

Alasé sané galak

Segarané saling kauk

Gununge sampun meledak

Dumadak apang ten punah.