Ketut Sugiartha

Ketut Sugiartha embas ring Baturiti, Tabanan, 9 Novémber 1956. Naén dados social worker ring Foster Parents’ Plan International Bali sadurung magingsir ka Jakarta, makuli ring silih tunggil kantor BUMN. Lulusan Fakultas Teknologi Informasi Universitas Budi Luhur puniki nyurat ring basa Indonésia lan basa Bali. Reriptan ipun sampun kawedar ring makudang media citak sekadi: Bali Post, Bernas, Buana Minggu, Detektif & Romantika, Kartini, Media Hindu, Nova, Pos Bali, Putera Kita, Sarinah, Selecta, Senang, Simponi, Sinar Harapan, Suara Karya, Suara Pembaruan, Kompas miwah sané lianan.

Satua cutet ipun sané mamurda “Warisan” sampun kasalin ka basa Inggris tur manados murda cakepan sané kasusun antuk Satyagraha Hoerip mamurda Our Heritage: 16 Modern Indonesian Stories (Pustaka Binaman Pressindo, 1993).

Cakepannyané sané sampun kawedar luiré:

Kumpulan cerpen Sketsa Untuk Sebuah Nama (Nusa Indah, 1985).

Kumpulan cerpen Karya Besar (Nusa Indah, 1986).

Kumpulan cernak Kambing yang Cerdik (Nusa Indah, 1988).

Novel Kabut Sepanjang Jalan (Balai Pustaka, cetakan pertama, 1993; cetakan kelima, 2004).

Novel Elegi Sang Penari (Balai Pustaka, 2003).

Novel Mimpi Sang Pramugari (Balai Pustaka, 2004).

Pupulan satua cutet Surat uli Amsterdam, (Pustaka Ekspresi, 2018).

Novel Lembayung Kuta (Balai Bahasa Bali, 2018).

Novel Luh (Pustaka Ekspresi, 2019).

Ring panguntat warsa 2012 mawali ka Bali, meneng ring Banjar Beringkit Belayu, Marga, Tabanan. Wau malajah nyurat sastra Bali Modérn ngawit bulan April 2017. Pupulan satua cutet  ipun sané mamurda Surat uli Amsterdam dados jayanti ring pacentokan Gerip Maurip 2017, pacentokan sané kalaksanayang olih Pustaka Ekspresi.