Puisi-puisi Ni Komang Ari Utami; Sang Penguasa
 |
| Sumber: helpingthingsgrow.tumblr.com |
Sang Mentri
Sang Mentri
Kabaos
pejabat tinggi
Makudang braya mabéla mati
Ulian orasi apang maan suara tinggi
Sang Mentri
Dija jani mangungsi janji
Disubané mabukti dadi pilihan rakyat sami
Buka layahé tan patulang
Aluh baan
ngitukang
Sang Mentri
Panganggoné sarwa bungah
Kedudukanné di tongosé melah
Tusing inget rakyatné jani melarat
Sang Mentri
Gajih tinggi suba sesai
Ulian proyék anggon manguluk-nguluk
Makada rakyat cenik tertunduk
Sang Mentri
Setata
lali tekéning janji
Tuah ngitungang kulawargané padidi
Sekadi bikulé ngarusuhin ngaé idupé lacur
Sang Penguasa
Sang penguasa
Jatma sané uning tekéning sastra
Mawibawa sangkaning rupa
Sang penguasa
Sapasiraké nika?
Ngigelang layah tan patulang
Malaksana corah rengka tekéning tahta
Agama suba tusing katulad
Parilaksana buka raksasa
Marikosa angga sarira
Tusing ngitung nyama miwah sawitra
Bedak tekéning harta brana
Ngaénang sengsara jatma lacur
Sinah karma phala sané lakar nglebur
embas ring Kecicang, Karangasem, pinanggal 31 Désember 1994, dados mahasisia seméster VII, ring Prodi Pendidikan Bahasa Bali, STKIP Agama Hindu Amlapura.
No comments