Puisi-puisi Ni Putu Suarniati; Ngalih Liang, Tresnané Maguyang

Sumber: id.pinterest.com

Korupsi

 

Korupsi …

Sing nolih jabatan, sing nolih posisi

Makejang jatma di gumi bisa korupsi

 

Korupsi.. oh.. korupsi

Korupsi buka i carang benalu

neket di angga ngisep sakancan kita

 

Korupsi.. oh.. korupsi

Liu anaké ngorahang Tolak Korupsi

Nanging,

Liu masi ané demen Korupsi

 

 

Ngalih Liang, Tresnané Maguyang

 

Ngisi liang pedidi

Ngalih untung pedidi

Yéning suba lakar mabéla pati

Pamuputné nongos di duri

Korupsi ngaé arta di guminé telah

Korupsi ngaé rakyat kaparikosa

Kélangan arta brana

 

Korupsi..

Ngaé makejang nyag

Ngaé makejang melarat

Begeh jatma-jatma nyakit ati

ulian korupsi, tresnané maguyang

 

Ni Putu Suarniati
embas ring Pebukit, 2 Oktober 1997, dados mahasisia ring Prodi Pendidikan Bahasa Bali, STKIP Agama Hindu Amlapura.