Puisi-puisi Ni Wayan Adnyani; Grubug
Matangi
Minab niki
galahé matangi,
Yadiastun
sungsut manahé
manggihin
surya makalangan
Nanging
Ida Guru sampun nyantos
Jantos
titiyang guru,
tityang
jagi matangi
tityang
jagi mawali
Nuduk
ulungan sari saking tengahing aksara
Ngupapira
manah ritatkala lawaté malawat
Ida
guru nawegang sayaga
Tityang
jagi ngaturang carita
#29 Maret
2019, katur ring IDK Raka Kusuma
Ogoh-ogoh
Sasih
kesanga sampun matangi
ngimbang
ring telenging surya
Mataki-taki
sang bhuta sang kala ngiring pikayunan
Sasuluh
napi mangkin jagi kasolahang?
Sang
bhuta ngerereh pangiring
Sang
kala dados lalampahan
Nanging
nénten uning,
Manut
napi? Ngerereh napi?
Pamarginé
kangin kauh, masuryak
Nyuryakang puyung
sambil mapalu
Sasampuné
telas satuané maider
Aas
prakpaké masambehang, caruné kedas kalabain
Dabdabang
ngiring dabdabang
Sang
Bhuta Kala nyanan nyumingkin maguyang
Mangkin
jantos malih ajebos
Cingakin
pikayunin sareng-sareng
Napi
ké bénjang Sang Icaka ring Sasih Kadasa
prasida
kedas ning suci megalang bulan?
Ciwa Ratri
Ring
wengi panglong ping pat belas sasih kapitu
Jagaté
mawasta peteng dedet
Nanging
manahé makalangan bulan
Sakadi
I Lubdaka nandan papakarma
Iriki
Ida Siwa mamurti ring brata i manusa
Sakadi
panugrah ring bhatari Uma
Muceh
mralina sarwa karma
Sira
sareng?
Sira
Ugi?
15
Januari 2018
Pinunas
Yén
dados tityang nunas
Icen
tityang sakancan sekar
Sekar-sekar
gunung
Sekar-segar
segara
Sekar-sekar
akasa
Yén
dados tityang nunas
Icén
tityang dados sekar
Sekar
jero
Sekar
manusa
Sekar
pertiwi
Icen
tityang miik sakadi sekar
Yén
dados tityang nunas
Icén
tityang sekar, icén tityang dados sekar
Tyang
miik sakadi sekar
Méi
2019
 |
| Sumber Gagambaran; pixabay.com |
Sampun
telung sasih masawang kala
Wénten
sang yama kantun mayoga
Metékin
matan ai ngawai ngabas gumi
Kari
cening maboya?
Yatnain
ajebos,
Kidemang
manahé nandan pitutur
Angkihané
mangkin masilih asibak
Tan
dados tambanin aji mamunyi
Tan
dados tamtamin ulian yéh mata
Guminé
tandruh
Mangkin
grubug
Kari
cening mameteng?
April 2020
guru Fisika ring SMAN 1 Bebandem ngawit warsa 2003. Seneng ring sastra lan ngawitin nyurat puisi rikala SMP, alumnus Pasca Sarjana Undiksha Singaraja. Naanin sué vakum nénten ngawedar kakawiannyané, tur mangkin dados pembina nyastra ring acara PKB, Utsawa miwah Porseni.
.jpeg)
.jpeg)
No comments