Puisi-puisi Ngakan Madé Kasub Sidan; Sundih
 |
| Potrekan Manik Sudra |
Kelir
Nguni….
Sastra
agama nunggil ring kauripan
Maurip
sangkaning sunar blencong
Blencong
ngabar-abar sakancan rerawatan
Rerawatan
pewayangan sida nunggil ring kelir
Mawastu
kelir sida galang apadang
Kelir
nyihnayang rerawatan padewekan
Kacarita
nyaritayang ambek
Nindihin
laku lampah manut lelintihan ambah
Mangkin…..?
***
Sundih
Api
ngulati metu ring endih sundih
Morbor
kayun pikayun lascarya
Nuwek
sapta timira lan sunia
Nguwah
wak-wakan titi pangancan
Ngungsi
genah tinggil ring idep
Nunggilang
sastra
Paileh
ilakita jagat
Jagat
ring raga
Ngaraga
***
Tegal
Tegal
gumanti sida ngugal
Ngulgul
ilakita carita panglingsir
Ngigelang
lampah nut titah lan ayah
Ngulati
manah bingar
Ring
tegal tetaruan tan naen turu
Ngulati
guru sastra
Nembangan
sarin merta pertiwi
Mabantang toya
akasa
Manut
rumaket ilakita buwana
Tresna
ring tegal yukti nresnain raga
Tresna
ring raga yukti nresnain sastra
Mapan
tegal wenten ring padéwékan
Yan
yakti yukti-yukti nresnain raga
embas ring désa Satra Klungkung nemonin Saraswati warsa 1959. Ngawit warsa 1982 ngunggahang reriptayan marupa: puisi, cerpén, artikel, sekar alit, lan éssai ring Bali Post, Nusa Tenggara, Karya Bhakti, Satwa, Canang Sari, tur nglimbak ring Anita Cemerlang lan Zaman (Jakarta), Mimbar Masyarakat (Samarinda). Ngamolihang makudang-kudang jayanti, lan penghargaan sekadi anugerah “Widya Kusuma” (Tokoh Pendidikan Bali ) saking Gubernur Bali warsa 2010. Sané mangkin, ngayah dados pengawas SD/MI Kecamatan Klungkung.
No comments