Puisi-Puisi Ketut Ayu Mertha Sari; Luh Sekar
 |
| Gagambaran Manik Sudra |
Ajeg
Bali
Ngiring
iraga mawali
Nganutin
pula-pali
Urip
iraga ring Bali
Éling
setata ring Widhi
Ngajegang
adat Baliné
Élingang
sampunang lali
Satunggil
rahina ngrastiti
Duaning urip iraga ring Bali
Nénten
surud-surud ngaturang wali
Setata
mabasa Bali
Magending
Bali
Mangda
nénten punah
Setata
ngajegang Bali
Luh
Sekar
Galang
kangin ngedatang mata
ri
kala endang Sang Surya nyinarin sisin jagat
setata
muan adi ané marawat
munganin
keneh beli
keneh
ibuk dadi lega
Luh
Sekar
Sakadi
sekar nedeng mekar
kembang
nyangsang ring tanah
sida
lédang pakayunan
nyaksiang
kembang, i sekar mayang
Luh
Sekar
Miik
ngalub ambuné
setata
sida manganyudang
yén
beli ngelahang i luh
jalan cakupang sekar lan kumbang
sida
masikian ri wekasan
Seraya Nala Asri
Semeng
rauh endag surya
Kasarengin
paksi masuara
Ngametuang
rasa bagia
Seraya....
Bukité
pinaka saksi
Panes gumi
dumun wyakti
Nanging
mangkin luih asri
Saking
suécan Sang Hyang Widhi
Antuk
éling titiang bhakti
Saking
hati ning sujati
Seraya....
Rasa
bangga manah suksma
Dumun
lara kirang toya
Mangkin
rauh pasuéca
Gemah
ripah pala wija
Akeh
mina ring segara
Anggén
pangupajiwa
Ngruruh
sakaya sané sukla
Masa
Kartika
Peteng
nuju galang bulan
Mangyunyunin
Réh
panedeng kartika masa
Mawar
ganda sarumrum
Kadi
laju mangungsi bo
Manglawanin
Ring
sisin jurang mamadapa
Manglaluang
manyujur
Magliga
manyujur sungsung
Guyu
kenying guyu
I
gadung kasturi kauk kauk
Nagih
jagjagin
Mangurenga
luung marempiah
Surya
Suara
Suara
wina surga ngendag
Ngentenin
Suara
mahawakya
Pranawa,
nada nada mahajati
Windu
ardhacandra paripurna
Wyakti
galang ngalintang
Sundaran
guna wicaksana
Suara
swatantra tan pantara
Sunia
suniantara bhuma
Endag
surya luir atetangi
Suara
bajra genta
Gurnitantara
Tabuh
sama lawan
Purwaning
prekempan jagat
Dosén ring Program Studi Pendidikan Bahasa Bali, STKIP Agama Hindu Amlapura.
.jpg)
No comments