Puisi-puisi I Gedé Suwartama; Purnama Ungu
 |
| Sumber Gagambaran; pixabay.com |
Jangkrik Nuluh Rurung
Wengi
bintangé pakemyit
Ngyasain
wenginé kélang sunaran sasi
Swaran
jangkrik mangangklung
Ngedig-ngedigin
bungbung
'Sasi
wimba hanéng gata mési banyu'
Wirama
tan malih katembangang
Tengahing
bungbung jangkrik kapetengan
Jangkrik
tengahing latri
Tinglis
swarané mangrikri
Nitenin
rurungé langkung
Sayan
edoh ia manambung
Sang
pisarat
Alon-alon
nuluh rurung
Kapetengan
tatkala wengi
Lawat
sundihé pinaka titi
Ngetut
genah jangkrik mangrikri
Tengahing
bungbung jangkrik kapetengan
'Sasi
wimba hanéng gata mési banyu'
Wirama
tan sida katembangang
Swaran
jangkrik mangangklung
Rurungé mawali
mamung
IGS#Bantas#132019
Purnama Ungu
peteng setu
ambu ngalambu
ngabubu kalu
bulan bisu
belog pongah
nyuléngék ngadah
ngajap sinah
bulan katadah
nungkalik tilem
bulané kelem
langité remrem
kakrubung gulem
inguh limuh
katiben gemuruh
ngulacak sabeh
nyibak keneh
sué kantiang
Purnamané aptiang
Sang Ratih maka bayang
sirna ilang putus liang
(Sasih Kawulu 2018)
peteng setu
ambu ngalambu
ngabubu kalu
bulan bisu
belog pongah
nyuléngék ngadah
ngajap sinah
bulan katadah
nungkalik tilem
bulané kelem
langité remrem
kakrubung gulem
inguh limuh
katiben gemuruh
ngulacak sabeh
nyibak keneh
sué kantiang
Purnamané aptiang
Sang Ratih maka bayang
sirna ilang putus liang
(Sasih Kawulu 2018)
Bongbong 2
siap biying
mapagut sa kuning
kabongbong di jaba pura
anut tanding pada jaya
kangin kauh cager menang
jujuh batis pada lantang
sregep taji tegil kiwa
unduk sapih cenik ada
pakembaré mider nuduk toh
masang rayu ken i botoh
bruwak-bruwak ngaba janji
yadiapin urung mabukti
kabentétin pada celang
kakelegin buluné jerang
pepaluné pada unggul
pengetohe tyaga mangembul
siapé matoh jiwa
uripe suba sanguna
bebotohé matoh pipis
enyén kalah dadi pengemis
kéwala
yéning suba pada lega
suba masih pada patut
kalah menang ento biasa
jalan Widi pada tuut
Bantas#6/2/2018
siap biying
mapagut sa kuning
kabongbong di jaba pura
anut tanding pada jaya
kangin kauh cager menang
jujuh batis pada lantang
sregep taji tegil kiwa
unduk sapih cenik ada
pakembaré mider nuduk toh
masang rayu ken i botoh
bruwak-bruwak ngaba janji
yadiapin urung mabukti
kabentétin pada celang
kakelegin buluné jerang
pepaluné pada unggul
pengetohe tyaga mangembul
siapé matoh jiwa
uripe suba sanguna
bebotohé matoh pipis
enyén kalah dadi pengemis
kéwala
yéning suba pada lega
suba masih pada patut
kalah menang ento biasa
jalan Widi pada tuut
Bantas#6/2/2018
nyurat puisi lan satua cutet. Kakawiannyané kawedar ring Bali Orti (Bali Post)
No comments