Puisi-puisi I Nyoman Agus Sudipta; Réklamasi Nilar Proklamasi
Kantun
mangalub ambu rah
Duk
pélor panes manembus tangkah
Rebah,
kasangkil pertiwi nyelantah
Ngetél,
manyaputin gumi maembah maliah
Tan
surud napi malih manah obah
Mabéla
pati ngantos pejah
Ngicalang
lan mademang penjajah
Tanah
Aron dados saksi
Pinaka
bukti ngetohang urip mabéla pati
Pertiwi
kadi telaga rah tan panepi
Kidung
tungtung tangis tinglis masuara sepi
Makta
besen krama Bali tan ugi magedi
Nénten
alangkat utawi aguli ninggal pertiwi
Yadiastun
tanah sampun dados aron, pertiwi satata tekek kagisi
Prawira
Karajah Galah ring Manah Krama
Remrem
Sang Bagaskara mangaksi
Angin
makesir kadi ladik natunin sepi
Paksi
goak ngegalok makta besen Yamadipati
Kasurat
lampah prawira rebah nindihin pertiwi
Tadahasih
matembang mangasih-asih sedih
Pélor
panes nrestes medal kadi sabeh tan mamilih
Ambu
mesiu nusuk irung metuang rasa wadih
Malih,
prawira padem ring rananggana ngamel sutindih
Yasa
kérthi dharma negara lan dharma agama
Tan
surud larud mabéla pati sang prawira utama
Cihna
ksatria mahottama tan makirig ring rananggana
Yadiastun
prana embas-lepas ring angga sarira
Mahardika
tetujon sang prawira
Kadi
tanggun peteng ngantosang prerai surya
Galang
apadang sané arepang ngicalang duhkita lan sengsara
Sang
prawira wantah karajah galah ring manah para krama
Réklamasi
Nilar Proklamasi
Benyah
lanyah ulian ka bayah
Jelema
momo kaliput rajah tamah
Ulian
kuasa apang makejang gelah
Pasih
lakar kaurug apang tanah nyansan linggah
Ditu
lantas nyama dauh tukad glayah-glayah
Nyama
Bali payu naanang basang layah
Gumi
Bali lantas ka bayah kanti telah
Apa
nyama Bali tusing jengah?
Yéning
pertiwi Bali jani kajarah
Kadi
taktik penjajah ané mecah-belah
Nguasa-nguasi
ulian daya corah
Musim
kampanye makejang nanjénang semaya
Apang
maan kursi ngisinin indria
Disubané
negak di kursi empuk prajani lipia
Semaya
maya-maya tuah sabates wacana
Raos
puyung cara enggung ngatengkung ring telaga
Makejang
masatua ngorahang sastra nanging nilar satya
Ngorahang
sutindih madasar keneh lascarya
Disubané
kama, indria, moha lan mada ngrangsuk angga sarira
Dompet
tebel kaampel baan artha majejel manah loba tan karura
Ngaku
mabéla pati kadi daging proklamasi nanging nilar satya hredaya
Samian
pitresna ka réklamasi ring tengah segara indria
Kidung
Panegara Suung
Sampun
pitung dasa kalih
Pamargi
galah karajah ring bias pasih
Raris
burem remrem anyudang ombak sané rauh magilih
Naskah
proklamasi kaliput ebuk angkara wibuh ngicalang sutindih
Papineh
baburon lintah ngisep raris telah benyah lanyah
Nasionalisme
wantah satua jelema loba mamirat lampah
Mati
rasa tan pangarasa indria kasaputin daya corah
Pongah,
wiwéka padem bhakti ring pertiwi sampun pejah
Alit-alité
ngamel satua lan tutur puyung
Polih
ring tepi pamargi ipian sané suung
Kacingak
prawira ngawitin nembangang kidung
Kidung
panegara suung kadi katibangbung
Paras-paros
wantah ring raos manis ngamanesin
Manyama
braya ring wacana sameton kagedegin
Pertiwi
satmaka Ibu kaadol mangda kama kaulurin
Cihna
panegara suung, Ida Bhatara tan ugi nywécanin
I Nyoman Agus SudiptaEmbas ring Karangasem, 29 Séptémber 1984. Kakawianipuné kawedar ring Bali Post (Bali Orti) miwah Pos Bali (Médiaswari).
No comments