Siwa Nata Raja

Olih: Nyoman Suarjana

Sumber Gagambaran; ranavishalsingh.blogspot.com

Pakulun Hyang Boléna

mangadeg kukuh 

nyukcuk ambara

nacep petala

Pasang tabik, nyembah ring cokor

Sang Nandini naktakin lingga

mangda nteg ring buana

Om nama Siwa, Om nama Siwa, Om nama Siwa

Om nama Siwa, Om nama Siwa, Om nama Siwa

Om nama Siwa, Om nama Siwa

Boléna kasiraman toya kumkum

miyik sumirik maasep-asep

harum cenana ngebekang gunung

raris, raris medalang

ilén-ilén natya raja

duk gumi kageringan

mangda sumringah

Sembah ring genah tiga

Ibu, Gana, lan Boléna

mamargi éncol karep

nyrégség-nyrégség kori

mapiteh-piteh, malincer

Ratu masolah natya raja

pak tépak katépak pak katépak pak

pak pak pak katépak pak déng pak pak

pak pak pak déng déng pak katépak

pal katépak katépak katépak

déng déng tu déng tu déng pak katépak...

Sampun! Tan prasida nunas

ilén-ilén utama