Puisi-puisi IDK Raka Kusuma; Ketut Suwidja
 |
| Sumber Gagambaran; www.pinterest.co.uk |
Ketut
Suwidja I
tangan kiwa bapané
ngamel ental nyalang
tangan tengen bapané
ngamel pangrupak nyalang
magending bapa tan pararian
meled kenehé ngawi geguritan
matembang padidi
sapeteng-peteng, sawai-wai
tangan kiwa bapané
ngamel ental nyalang
tangan tengen bapané
ngamel pangrupak nyalang
magending bapa tan pararian
meled kenehé ngawi geguritan
matembang padidi
sapeteng-peteng, sawai-wai
nembangang tongos
langgeng melah
miwah tongos langgeng makenyah
miwah tongos langgeng makenyah
di majalané ka gumi
wayah
apang ada anggon panyaru kenjel
di majalané ka gumi wayah
apang kenehé setata kendel
apang ada anggon panyaru kenjel
di majalané ka gumi wayah
apang kenehé setata kendel
Ketut Suwidja II
lali manawa bapa
naen dumun ngripta
indik gumi wayah
ring entalé makenyah?
sapuniki: guni wayah
gumi luung
rurungé kema masi luung
majalan kema sing lakar kenjel
majalan kema setata kendel
rurungé kema masi luung
majalan kema sing lakar kenjel
majalan kema setata kendel
majalan ka gumi wayah
panyaru kenjelé tan paguna
majalan ka gumi wayah
pakendel kenehé tan paguna
bapa, bapa, bapa
lali naen ngripta sapunika?
Ketut Suwidja III
jaga mamarga ka gumi wayah
biana wénten pilpilang bapa
ring mamargané ka gumi wayah
biana wénten bakta bapa
nakénin biana purun
bapa, ngaripta geguritan sampun?
ngalér kanginang pamargané, beneng
uleng cacingak duéné ka ajeng
ka kébot utawi ka kanawan
apisan ten macingakan
diastun sayan doh
kantun kanten ragan bapané makelapan
diastun sampun doh
kantun kanten tangan duéné maulapan
Ketut Suwidja IV
bales sabehé, renyep tan kadi
kantun kanten bapa mamargi
sasabé sayan nebelang
kantun kanten ngalér nganginang
apisan biana majadengan
apisan biana mararian
pamarginé kantun beneng
cacingaké kantun nguleng ka ajeng
bapa, bapa, bapa
napi pinehang bapa sarwi mamargi?
bapa,bapa,bapa
kantun minehang geguritan matembang padidi?
pamargin duéné sayan ngadohang
ragan bapané sayan ngalitang
panyaru kenjelé tan paguna
majalan ka gumi wayah
pakendel kenehé tan paguna
bapa, bapa, bapa
lali naen ngripta sapunika?
Ketut Suwidja III
jaga mamarga ka gumi wayah
biana wénten pilpilang bapa
ring mamargané ka gumi wayah
biana wénten bakta bapa
nakénin biana purun
bapa, ngaripta geguritan sampun?
ngalér kanginang pamargané, beneng
uleng cacingak duéné ka ajeng
ka kébot utawi ka kanawan
apisan ten macingakan
diastun sayan doh
kantun kanten ragan bapané makelapan
diastun sampun doh
kantun kanten tangan duéné maulapan
Ketut Suwidja IV
bales sabehé, renyep tan kadi
kantun kanten bapa mamargi
sasabé sayan nebelang
kantun kanten ngalér nganginang
apisan biana majadengan
apisan biana mararian
pamarginé kantun beneng
cacingaké kantun nguleng ka ajeng
bapa, bapa, bapa
napi pinehang bapa sarwi mamargi?
bapa,bapa,bapa
kantun minehang geguritan matembang padidi?
pamargin duéné sayan ngadohang
ragan bapané sayan ngalitang
IDK Raka Kusumaembas ring Getakan, Klungkung, 21 Novémber 1957. Dané nyurat makudang-kudang puisi mabasa Bali, satua bawak, esai basa Bali, miwah novélét mabasa Bali. Lianan ring punika, dané taler nyurat puisi, cerpén, lan ésai mabasa Indonésia. Kakawian-kakawian danéné sané mabasa Bali kawedar ring Bali Orti (Bali Post), Médiaswari (Pos Bali), Bali Aga, Jurnal Kawi, miwah Canang Sari. Lan kakawian dané sané mabasa Indonésia kawedar ring Bali Post, Nusa Tenggara, Karya Bakti, Warta Bali, Nafiri, Warta Hindu Dharma, Minggu Pagi, Kedaulatan Rakyat, Mimbar Indonésia, Suara Nusa, Pikiran Rakyat, Suara Karya, Sinar Harapan, Berita Buana, Républika, Singgalang, Analisa, Cak, Kolong, miwah Romansa.Ring warsa 2002 dané ngamolihang Sastra Rancagé antuk baktin ipun ring pangembangan sastra Bali malarapan antuk Majalah Buratwangi lan taler 2011 antuk kakawiannyané sane mamurda “Sang Lelana”. Ngamolihang Penghargaan Widya Pataka saking Gubernur Bali warsa 2012 antuk cakepané sané mamurda “Bégal”. Sareng pangawi saking Karangasem dané ngwangun sanggar sané mawasta Sanggar Buratwangi, lan dané taler dados silih sinunggil pangremba ring sanggaré punika.
No comments