Puisi-puisi Komang Juniarti Widyasanti; Tahun Baru

Gagambaran Manik Sudra

Jelé Melah Matimpal

Saja buka sesonggané

ada srawah ada klau

timpal luh muani patuh

                                    Ada madaya pait pengit..

                                    ada mabikas lit lengit

                                    nanging....

            Iring masuluh ring solah

            yén sampun..

            rasa manyawa braya ngabaktiang

            tusing ngidang kal kelidin!

Mapeluh-peluh pidit,,

timpal jelé, timpal melah... rasa bagia manyama braya...

sareng-sareng mapitung..... ento suba madan Timpal!

Sukawati Market

Negak montor sambil magending

ngentasin pasar seni sukawati

masoléh-soléh baju... masoléh-soléh celana..

            Daging celana samurai majajar,

            dagang daster mabunga mabanjar,

dagang kamen pante mekalukan...

pipis begeh! telah aceplokan..

Sukawati market,,

pablanjané mudah

tamu meriah..

            mekejang liang

nelahin pis liang.. sayan ngalimbak menggah..

30 Novémber 2017

Taun Baru

Cedar-cedar, cedur-cedur

munyin merconé.. kesiab! kéwala demen

anak sugih, liu meli mercon..

anak tiwas, kanggoang mabalih

            Apa tetujon merconé??

            ngaé uyut?? ngaé musibah??

            di taun baru dogén ada macan??

lekad awaké di Bali

yéning suba taun baru

setata liang....

lakar ngejoss!!

anak sugih.. setata ngaba sebeng tegeh,,

anak tiwas... setata pengeng ngalih pangupa jiwa

           

Taun baru

i raga patut ngalestariang manyama braya,

inget tekén nyama tegehan,

inget tekén nyama éndépan

Apang beneng pajalan hidupé...

30 Novémber 2017

Komang Juniarti Widyasanti
mahasiswa Sastra Bali Udayana Semester V. Asal Saking Sukawati, Gianyar.