Ningehang Lagu “Tiang Listrik”
Olih:
Manik Sudra
 |
| Sumber Potrekan: Instagram |
Nasibné i tiang listrik
mula jelék pesan jani. Makejang anaké melihang ia. Nak kénkén kadén unduké ené?
Ibi maan tepuk ada mémé tiang listrik abana ka UGD, sagétan ada gambaran tiang
listrik bencol lamun bakpaoné, kéto masih liu anaké ané ngaé status baan hastag
#savetianglistrik.
Mula warsa 2017 ené
tiang listriké ené ngaé gara-gara. Nyén ngorahin nabrak politikus ané sedek
ténar totonan? Papah Biu Set ajaka macem-macem. Pedalem kanti bencol
lamun bakpaoné anaké. Buin dingeh, bisa-bisa amnésia koné. Yén saja ia kanti
amnésia, sinah ngréok suba kramané, sinah nyansan ramé anaké ané lakar misuh
nemah tiang listriké totonan. Kramané pasti lakar marasa kélangan Papah. Papah
ané peduli rakyat cenik, Papah ané penuh keberuntungan, Papah ané, ah... jeg
kéweh ngorahang ulian kebaikanné.
Cobak i tiang listrik
sing nabrak Papah Biu Set, pasti sing lakar ada ané ngurus. Nyak
séndéh di sisin jalané, nyak amah karatan, sing ada anak ngurus. Paling melah
nasibné, teka petugas PLN lantas ngantinin baan ané baru.
Mula seken-seken jelék
nasibné i tiang listrik. Antiang dogén suba kayang ené ia matuntut di
pengadilan. Kénkén ya lakar abetné i tiang listrik nyanan di pengadilan. Apang
tawanga kénkén rasané negak di malun hakimé. Matuntut! Pasti 100% i tiang
listrik lakar ngeling gerong-gerong.
Jelék, jelék, jelék
pesan nasibné i tiang listrik. Nanging, sajelék-jelék nasibné, ia dadi terkenal
jani. Bahkan ngalahang keténarané Raisa lan Via Vallen, ups. Coba tolih kénkén
kramané matuwus di médsos ngortaang i tiang listrik. Ané paling kréatif, kanti
ada ané ngaénang gamé ‘menabrak tiang listrik’ #mih. Lan apang tawang dogén,
tumbén jani ada anak ngaénang i tiang listrik lagu. Lagu! Pasti i lampu, i
kepiting, i arda, i kabel, i talin kabel lakar iri yén ningehang unduké
totonan. Mih, satu sisi nasibné jelék, satu sisi ia terkenal jani. #nasib.
Nawang kénkén isin
laguné totonan? Sing? Dot nawang? Mai pebalih bareng-bareng.
No comments