Puisi-puisi I Kadék Gedé Doni Merta Marantika; Pedidi
 |
| Gagambaran Manik Sudra |
Pedidi
Rikala pedidi…
Tuah sepi sané rasayang…
Suaran kericik
toya
Suaran kedisé ngindang
Suaran dongkang
ring telabah nyat
Ento makejang pinaka saksi
Sepi sané ngebekin gumi
Rikala tiang
pedidi…
Matimpal
rindu rikala pedidi…
Malajahang
déwék rikala pedidi…
Manyelselang nasib rikala
pedidi…
Sami tuah sayuwakti karasayang
Rindu, sedih,
bagia, pedih, paling…
Sami mabesikan
nénten palas..
Rikala tiang
pedidi…
Tumbakbayuh,
28 April 2017
Pragina
Pak Gedug Pak..
jir nang tong nang jir…
Pung pung pung
pung pung
Jruééééénggggg!!!!!!
Sang sané maderbé
kalangan medal
Adéng-adéng rangkiné
makebitan
Kenyem manis, matané
gedé nelik
Nayog raris mamargi ka
tengah kalangan
Agem mataksu
matatuek
Pakebatang
limané lentik ngitir
Kipekané galak
tan palawan
Sledétané cepeng
kadi tatit
Mabalih pragina
Nyolahang igelan bali
warisan leluhur
Liang manahé mabalih
pragina
Budaya bali sané
kalestariang
Olih pragina…
Tumbakbayuh,
27 April 2017
alumni Pendidikan Matematika Undiksa. Magenah ring Tumbakbayuh, Mengwi-Badung
.jpg)
No comments