Puisi-Puisi Nengah Pengabdian; Peteng Dedet
 |
| Gagambaran Olih Putra Ariawan |
Peteng
Dedet
Uyang Paling
Inguh Sing Karuan
Nadak Sara
Langité Peteng Dedet Tanpa Sunaran Bintang
Keneh Sungsut,
Tangkah Sesek Karasa Ningalin
Yén dadiké
Suarayang, Tityang Lakar Megeluran
“Bli Dini Negak
di Sisin Tiang, Timpalin Titiang Kanti Riwekasan
Sakéwanten Titah
Sang Hyang Widi Metiosan
Bli Ngalahin
Tityang Lan Pianak Tan Pegatan
Suwung
Suwung, Karasa
Suwung Guminé Jani
Sepi, Karasa
Sepi Guminé Jani
Inguh, Karasa
Inguh di Keneh Tiangé Jani
Sebet, Karasa
Sebet di Keneh Tiangé Jani
Tanpa Sabeh,
Tanpa Tatit, Adi Jani Megedi Ninggalin Déwék Beliné Pedidi
Karasa Sawai Wai
Beli Dini Nyakitang Hati
Dumogi Adi Bagia
Sareng Pilihan Adiné Jani
Puyung
Ritatkala
Papineh Bingung
Pikayunan Karasa
Puyung
Pikenoh Luntang
Lantung
Sakadi ya I Kati
Bangbung
Nengah Pengabdian utawi Nengah Dwi Suputra embas ring Klungkung, 20 Méi 1989. Sané mangkin meneng ring Br. Tengah, Désa Manduang, Kec. Klungkung, Kab.Klungkung.
.jpg)
No comments