Puisi-Puisi Eka Budianta; Kidung Pot Bunga*

Sumber Gagambaran

Tukad Cupit

tukad cupit,

ngudiang pangelingin idupé pedidi?

Dingeh tiang sengi-sengi i déwa

nuju peteng paak jembatané.

Tawang tiang idup i déwané lacur

magaang tan mari di selagan batuné.

Sakéwala nang tingalin,

bintangé ditu, di ambara

nujuang rurungé nyujur segara.

Tukad cupit,

magending jani i déwa magending,

kalahin sakancan désané,

engsapang sakancan kotané.

Majalan déwa, majalan ka segara.

Basa Indonésianyané

Sungai Kecil

Sungai kecil,

mengapa kau tangisi hidupmu?

Aku mendengar kau terisak-isak

malam-malam dekat jembatan.

Aku tahu hidupmu sulit

merangkak-rangkak di bebatuan.

Tapi lihat,

bintang kecil di sana

menunjukkan jalan ke laut.

Sungai kecilku,

sekarang menyanyilah,

tinggalkan desa,

tinggalkan kota.

Berangkatlah ke samudera.

Gendingan Tresna

kénéh tiangé tan péndah danu

sayan ning

yéning ngajak i déwa.

sing ada don-donan

ruru ka yéhné

tur muan i déwané

sayan ngilis ngenah

buka magambar ditu.

Basa Indonésianyané

Nyanyian Cinta

hatiku adalah danau

yang semakin jernih

bersamamu.

tak ada lagi daunan

gugur ke dalamnya

dan wajahmu

semakin jelas

terlukis di sana.

Kidung Pot Bunga

Ada panumaya sing meled dadi apa

sing meled dadi présidén utawi wali kota

sing meled dadi wong kota utawi wong désa

Ada panumaya tuah meled dadi bunga a carang

sig pot di ampiké ngarempayak kembang

Basa Indonésianyané

Kidung Pot Bunga

Ada masanya orang tak ingin jadi apa-apa

tak ingin jadi presiden tak ingin jadi walikota

tak ingin jadi orang kota tak ingin jadi orang desa

Ada masanya orang hanya ingin jadi serumpun bunga

yang tumbuh tenteram dalam pot di beranda

*) Puisi-puisi puniki kabasabaliang antuk IDK Raka Kusuma saking cakepan “Rumah Dunia”