Bongkling (I-V)
 |
| Sumber Lukisan |
Kaketus
saking
manuskrip
duén Ida I Dewa Gde Catra
Karangasem.
Awighnamastu
Sinom
/1/
Tanggal pindo né
tujuwang,
sadana yoga
manulis,
buhung padha
dihi pondok,
tuhu yénya padha
sepi,
tungkulang
gending-gending,
di nohan
mangrambang kidung,
prapanca hulat
ada,
kudyang jani
manulis,
kadung henu,
rarambangané
atenga.
/2/
Sampura déwa
sampura,
i belog mahabet
ririh,
ngawé kidung
tembang sinom,
twara takut
kakedékin,
bukasé jeneng
ririh,
tani kandha tani
pupuh,
masih henu mabet
bétak,
milu matuhutin
ngawi,
cekur-cekur,
mahirib sundari
belah.
/3/
Panembéné
nyambut satwa,
ada nto madan
Pan Bongkling,
janma mapihanga
belog,
ririh nyané
tidong gigis,
anghing ririh
mbijalin,
sahi matepuk
pangawruh,
tuwi tong tahén
kawon,
ban bisan nyané
mamunyi,
padha nungkul,
pandhitané tuwa
bajang.
/4/
Ida Gdhé
Ganggasura,
suryyan jagaté
di Bali,
mula ririh kagagawok,kebuté
tan sipi-sipi,
sahi lungha
ngrayonin,
sahi nekayang
sasantun,
milih nyawa
wédhana,
hento kocap
kahendonin,
sagét rawuh,
Pan Bongkling
nyongkok manyumbah.
/5/
Parandha raris
ngandhika,
Pan Bongkling
manguda mahi,
mahi dini ja
manongos,
Pan Bongkling
mahatur haris,
durus swécchané
mangkin,
ngawulayang
tityang ratu,
tityang manunas
iccha
wénten karyyan
tityang kidik,
keni durus,
mémén tityangé
mabénang.
No comments