Telah...

Olih: Nyoman Agus Sudipta

 

Gagambaran Olih Salvador Dali

Alas gadang suba galang

Tanah carik nyansan ilang

Punyan kayu pajelémpang

Kaadep lan kagadéang

Bawak papineh kajalanang

Tuah ngitungang awaregan basang

Ané penting jani liang

Depang mani panak cucu ngeling maguyang

Telah... nyansan telah

Jani umah suba tan pa natah

Benyah... jani benyah

Tanah pertiwi sayan lanyah

Kaamah lobha bromo corah

Kaparikosa lan kajarah 

Momo indria kaliput rajah-tamah

Pamuput tuah benyah, lanyah, kajarah lan telah