Tukad Cupit

Olih: Eka Budianta

 

Gagambaran Manik Sudra

tukad cupit,

ngudiang pangelingin idupé pedidi?

Dingeh tiang sengi-sengi i déwa

nuju peteng paak jembatané.

Tawang tiang idup i déwané lacur

magaang tan mari di selagan batuné.

Sakéwala nang tingalin,

bintangé ditu, di ambara

nujuang rurungé nyujur segara.

Tukad cupit,

magending jani i déwa magending,

kalahin sakancan désané,

engsapang sakancan kotané.

Majalan déwa, majalan ka segara.

NB: Puisi puniki kabasabaliang antuk IDK Raka Kusuma saking murdannyané “Sungai Kecil”