Warsa Anyar

Olih: Nyoman Sadwika

 

Sumber Potrekan

Sami makelid sada binar

Nunas sinampura sami égar

Dumogi polih lan mapikolih

Jagaté degdeg rajeg sané alih

Warsa sané let pinaka suluh malaksana luih 

Luihing jati ngemargiang swagina

Ring warsa anyar sami ngélingang raga

Pada masuluh mulat sarira

Dija kadén langité éndép

Sami nyujur genah sané genep

Malaksana sami pada sregep 

Pakedék pakenyung sada alep

Ngruruh kasukertan jagat

Anggén nglimbakang manah sané sarat

Sarat pangweruhan, sarat pangupa jiwa

Sampunang lali ring agama

Anggén dasar malaksana

Mangdena joh sarwa malapataka

Sami polih sané kaapti

Nunas pica ring Hyang Widi