Naténg Senayan

Olih: Tirtha Jalaning Utama Sinarata

"Gedung MPR-DPR" Gagagmbaran Bambang Sasmito

Ambek puyung sang agung

Malinggih singgasana wong kakung

Manah tanpa kungkung

Olas asih kadi bumbung

Nénten maunteng, tengahnyané puyung

Ngiyang ngiyung

Makeber kadi buyung

Kecag-kecog di lumbung

Mamaling dana negara ngantos puyung

Gejor gumi srayang-sruyung

Sawit sang agung adung salunglung

Jegjeg oger mamondong karung

Satya anteng mamaling isin lumbung

Napak tanah kangin kauh dharma-adharma kasungsung

Ngagem tikas dasa muka ngawé linglung

Metu dusta, dharma anyud punah ulung

Sang agung tan patulung

Mamaling ngantos puyung

Puyung...

NB: Puisi puniki naanin kamuat ring rubrik Médiaswari (Pos Bali) rahina Redité Umanis, 17 Januari 2016