Galang lan Liang

Olih: I Nyoman Suwija

Sumber Gagambaran

Ngawit yusané alit,

Pastika ngrasayang pait,

Sami karasa sulit.

Yéning saking alit,

Tan kayun masakit-sakit,

Kantos duur pacang nemu pait.

Yadian pait ampunang nangis,

 Pait makilité prasida dados manis,

Masuluh pituduh ring sastra aji,

Ngupapira cita manut sastra aji,

Mareraosan manut sastra aji.

Sastra aji banget kaulatiang,

Makadasar matetimbang,

Mayusé lan lengité patut kutang,

Jemet lan satyané tincapang,

Wikan lan waged kamuktiang,

Anggén sangu nemuang galang.

Galang... Galang!, ... Liang...!

Sami galang, sami liang.

NB: Puisi puniki naanin kamuat ring rubrik Bali Orti (Bali Post) rahina Redité Paing, 30 Séptémber 2012