Alas Puun

Olih: I Wayan Tojan

Sumber Potrekan

Enu karasa marawat gadang

entikan kayuné wiadin padang

enu karasa tis desiran anginé

nyapuin kulité

sané mangkin sampun puun

telas dados aon

sami telas alon-alon

pamuput pacang kaon

anginé dados andus

kebus makudus

akéh jatma mati matambus

mamargi lampus

alas nges sampun angus

ulian momo angkara manusa

NB: Puisi kakawian I Wayan Tojan sané mamurda “Alas Puun” puniki naanin kawedar ring rubrik Bali Orti  (Bali Post) rahina Redité Wagé, 20 Maret 2016