Ring Pasisi Kuta

19:26 ,
Olih: I Madé Sanggra

Gagambaran Hendra Gunawan

Ring pasisi Kuta
Genah wong nganggoang kita
Nantang matanai sawai-wai
Mamokak nglawan ombak
Tan madalem awak
Kajagjagin
Kaplaiban
Kakecosin
Kasulubin
Tan kapok kabicundang
Tan mari nantang

Ring pasisi Kuta
Tan wénten tawah
Sané tawah lumrah
Sami lumrah
Sami tawah
Sami punah
Suksrah kanggé manah
Kaanggé jinah
Jinah
Jinah
Lan jinah

1 comment:

Subscribe to: Post Comments ( Atom )