Tatujon

Olih: Ni Komang Ayu Pébriyani

"The Order Parlements" Gagambaran Wayan Kun Adnyana

Maurip boya ja nindih

Maurip boya ja sundih

Maurip boya ja sugih

Nanging maurip mangda ja ririh

Ririhé ruruh

Mangda tusing rubuh

Anggon meliang isin bubuh

Ririhé ruruh

Mangda samian rauh

Nguncarang darmaning landuh

Ririhé ruruh

Ragané anggon sasuluh

Yukti dahat saling asuh

NB: Puisi kakawian Ni Komang Ayu Pébriyani sané mamurda “Tatujon” puniki naanin kawedar ring rubrik Bali Orti (Bali Post) rahina Redité Wagé, 9 Juni 2013.