Sepi

Olih: Wayan Selat Wirata

Gagambaran Nyoman Sujana Kenyem

Siep guminé sepi

Puyung jalané suung rurungé

Andusé ilang

Makaciri apiné mati

Saab-saeb di sepiné

Tepuk puyung

Mategar matakon bingung

Nguda sepi, nguda nyepi

Nguda matiang makapatpat

Baan buta baan petengé

Tusing ngenyit sentir di déwéké

Makada tusing tawang sepiné

Di sepiné koné nyiksik bulu

Di sepiné koné nyiksik bulu

Di sepiné patut nyuluhang caling

Di sepiné koné tepuk lawaté ibi