Politik

Olih: W.G. Sumarta

Sumber Gagambaran; geotimes.co.id

Nénten akidik, maosang indik,

bilih-bilih politik,

anak lingsir, prakanggé, wong cilik,

politik ngulati becik,

ngruruh linggih luih, ambu miik,

Politik kanten unik,

sakéwanten nénten barang antik,

ngadu taktik, magetik,

biing katemu buik,

tohnyané tan akidik,

wénten pakrimik, kemak-kemik,

dangkrak-dingkrik, tinjik-tinjik,

culak-culik, kutak-kutik,

sampunang bes sanget dengkak-dengkik,

napi malih makta madik, nganggé kandik,

saling gitik.

Ngiring baosang becik-becik,

mangda tan laketik, ngilik,

nungkalik.

NB: Puisi kakawian W.G. Sumarta sané mamurda “Politik” puniki naanin kawedar ring rubrik Bali Orti (Bali Post) Redité Umanis, 3 Novémber 2013