Pangubaktian Tan Payasa

Olih: I Gusti Putu Antara

"Cosmic Circle" Gagambaran I Dewa Nyoman Batuan

Sapasira ugi nénten uning?

Durus cingak pakardinnyané, boya sujati

Ipun sakadi satia

Sané ngaturang pangubaktian tan payasa

Wit endag surya ngantos surup surya

Ipun bincuh matungkulang para sisia

Ipun nyapnyap ngitungang uripnyané

Asapunapiké titiang?

Sayongé rauh, polahé kantun asri

Yadiapin ujané ngetél bales pisan

Titiang purun mangaturang kasujatiannyané

Boya ja dados piwalin malih

Guru patut kagugu miwah kapatutang

Awinan Tri Kaya Parisudannyané tanja linyok

Sapasira ugi nénten uning

Patut pisan Ida nyuryanin ipun

Mangda guminé landuh