Pamucuk Jagat Bali

Olih: I Komang Alit Juliartha

"Anjing Lokal" Gagambaran I Made Wiradana

Pamucuk Jagat Bali

Patut urati ri sajeroning pamargi

Mangda sida sutrepti

Ngaturang ayah pangubakti

Ring Ida Bhatara-Bhatari

Pamucuk Jagat Déwata

Mangda nénten ngangguang kita

Tan rungu ring sakancan pura

Genah Ida Bhatara malingga

Genah iraga nunas ica

Mangda sida rahayu kerta raharja

Pamucuk Jagat Seribu Pura

Mangda sida satya ring parilaksana

Anut adung ring dharma

Madasar antuk Tri Kaya Parisudha

Tri Hita Karana

Boya ngulurin indria

Kalintang momo

Ngusak-ngasik jagat iraga

NB: Puisi kakawian I Komang Alit Juliartha sané mamurda “Pamucuk Jagat Bali” puniki naanin kawedar ring rubrik Bali Orti (Bali Post) rahina Redité Umanis, 23 Maret 2014.