Lekad Mara Ibi

Olih: Madé Suar-Timuhun

Gagambaran I Gusti Nyoman Lempad

Lekad mara ibi,

Suba liu mamunyi

Goar-goér kemu mai

Ngaku déwék paling bani

Lekad mara ibi

Suba nagih ngisi gumi

Nagih élah negak di kursi

Marasa déwék paling sakti

Lekad mara ibi

Kadirasa kondén nawang tata titi

Luungan patilesang déwéké padidi

Malajah malu apang poloné misi

NB: Puisi kakawian Madé Suar-Timuhun sané mamurda “Lekad Mara Ibi” puniki naanin kawedar ring rubrik Bali Orti (Bali Post) rahina Redite Paing, 22 Juni 2014.