Bali Wali
Olih:
Tudékamatra
 |
| "Temple Festival" Gagambaran I Gusti Ketut Kobot |
Bali waliwali Bali
Wali suci ngastiti Widhi
Bali suci duking nguni
Banten wali katur sami
Katur ring Betara Betari
Bali waliwali Bali
Banten wali jani meli
Karya suci mimbuh bati
Katur banten muang sesari
Sesari banten satus tali
Bali waliwali Bali
Sepi-sepi wong Bali
Sami telas makarya suci
Banten meli numbas sami
Tan pajinah tan mamargi
Bali waliwali Bali
Bakti bati dados asiki
Ngayah layah apang misi
Bali wali malali-lali
Lali Bali tan mawali
Bali waliwali Bali
Karya suci branta ati
Iyeng tan masepi sesai-sai
Ida Betara duka sami
Iki Bali wali tan sari
Bali waliwali Bali
Katur banten katur bawi
Pujawali nyujuh santi
Pasiat sameton padidi
Bali santi tan kaaksi
.jpg)
No comments