Masan Cengkéhé Nedeng Mabunga
Pangawi : Nyoman Manda
Kawedar Antuk : Pondok Tebawutu
Warsa : 2002
Tebel : 44 kaca
Cakepan puniki madaging kalih drama
mabasa Bali (drama Bali modéren) inggih punika “Masan Cengkéhé Nedeng Mabunga”
lan “Penggak”. Drama sané mamurda “Masan Cengkéhé Nedeng Mabunga” naanin polih
Juara I lomba naskah drama sané kalaksanayang olih Listibiya Bali warsa 1978.
Pragina ring drama “Masan Cengkéhé Nedeng Mabunga” inggih punika:
Pan Nérti
: mayusa 54 tiban
Mén Nérti
: mayusa 49 tiban
Luh Nérti
: mayusa 21 tiban
Pan
Koyogan : mayusa 50 tiban
Mén
Koyogan : mayusa 47 tiban
Koyogan
: mayusa 23 tiban
Nyoman
Sadra : mayusa 25 tiban
Drama puniki
nyeritayang indik pajalan idup petani cengkéh sané setata polih piambeng,
nanging risampuné polih pitulungan saking PKL lan anak truna sané dot ngwangun
désané, ipun prasida nambanin masalahé punika. Caritané kajumunin baan anak
truna sané dot ngwangun désané (Nyoman Sadra) polih tantangan saking I Koyogan
dkk., krana mrebutin Luh Nérti. Masalah sané kaangkat wantah masalah tanah
désa, wewangunan ring désa lan solah sané nénten becik, sané ngawinang I
Koyogan ngemasin séda. Carita ring drama puniki wantah melingker ring
kaluwargané Pan Koyogan sareng kurenané miwah Pan Nérti lan kurenané. Luh Nérti
sujatiné pianakné Pan Koyogan lan indiké puniki kauningin ring panguntat carita
rikala Pan Koyogan nelatarang sané sebenehné. Pamuputné Wayan Sadra lan Luh
Nérti ngantén lan idup bagia ngwangun désané. Rasa bagianipuné sareng kalih
nyansan makebyah rikala cengkéhipuné ngawit mabunga.
Drama “Penggak” wantah drama sané kantut magutet ring tradisi inggih punika ngenénin indik solah becik sané setata prasida ngalahang solah sané iwang (Wayan Asa lan Luh Warti). Ring tradisi masyarakat Bali Penggak wantah patemon ring kauripan sarahina-rahina sané ngawetuang rwa bhineda lan pamuputné sané becik utawi patut setata menang.
Drama “Penggak” wantah drama sané kantut magutet ring tradisi inggih punika ngenénin indik solah becik sané setata prasida ngalahang solah sané iwang (Wayan Asa lan Luh Warti). Ring tradisi masyarakat Bali Penggak wantah patemon ring kauripan sarahina-rahina sané ngawetuang rwa bhineda lan pamuputné sané becik utawi patut setata menang.
NB: Reriptan puniki kabasabaliang olih Putu Supartika saking Blog Pondok Tebawutu
.jpg)
No comments