Diolas
Pirengang jebos suaran don tiingé ané ampehang
angin. Diolas. Kénkén sujatiné pangajapné? Ia bingar apa sedih kingking? Tiang belog,
tuara tau nymertiang siptan gumi. Kéto masih, I Crukcuk ngucicak di carang
nangkané. Lega apa sebet? Tiang nénten pisan uning. Diolas. Kepir-kepir payas
penjoré, kadi maulapan, nutdut keneh tiangé apang nampek ring tung-tung manah
adiné. Buka arad tiang nampekin, kéwala adi ané magedi. Tan pamunyi. Diolas.
NB: Prosa liris sané mamurda “Diolas” kakawian Dharma Putra puniki naanin kamuat ring rubrik Médiaswari Pos Bali Minggu, rahina Redité Umanis, 21 Fébruari 2016.
.jpg)
No comments